ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចតេជោយកថវិកាដែលបានពីការលក់សៀវភៅ«គូព្រេងមិនព្រាត់»ជាភាសាចិនទៅសង់ផ្ទះជូនអតីតយុទ្ធជន

  • ចុះផ្សាយថ្ងៃទី២៦ ខែមករា ឆ្នាំ២០២២ ម៉ោង ១១:៤១ នាទី ដោយ Hun Sirivadh
  • 1700
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសំដែងនូវការភ្ញាក់ផ្អើលចំពោះសៀវភៅដែលសម្ដេចនិពន្ធដែលមានចំណងជើងថា «គូព្រេងមិនព្រាត់» ត្រូវបានសមាគមខ្មែរចិននៅកម្ពុជាយកទៅបកប្រែជាភាសាចិននិងបោះពុម្ភ លក់អស់ក្នុងរយៈពេលដ៏ខ្លី។

សម្ដេចតេជោ បានសរសេរក្នុងហ្វេសបុកផេករបស់សម្ដេចនៅថ្ងៃនេះថា សៀវភៅដែលបានបោះពុម្ភជាភាសាចិនក្នុងចំនួន១៥០០ច្បាប់ ត្រូវបានដាក់លក់ដាច់ក្នុងរយៈពេលយ៉ាងខ្លីបានចំណូល ៧ ៥០០ដុល្លារអាមេរិក ដែលសម្ដេចថានឹងយកថវិកាទាំងនេះទៅសាងសង់ផ្ទះជូនអតីតយុទ្ធជនរស់នៅ។

សម្ដេចតេជោបានសរសេរយ៉ាងដូច្នេះថា៖ «កន្លងមកខ្ញុំបានសរសេរសៀវភៅមួយមានចំណងជើងថា (គូព្រេងមិនព្រាត់) ដែលបានបោះពុម្ពជា ៣ភាសា មានខ្មែរ អង់គ្លេស និងចិន។ សម្រាប់ការបោះពុម្ពជាភាសារចិនគឺរាប់រងដោយសមាគមសម្ព័ន្ធខ្មែរ-ចិននៅកម្ពុជាទាំងការបកប្រែទាំងការបោះពុម្ព។ ជាការគួរឱ្យភ្ញាក់ផ្អើលនិងសូមកោតសរសើរដែលសៀវភៅភាសារចិនត្រូវបានដាក់លក់បាន ១៥០០ច្បាប់ក្នុងរយៈពេលដ៍ខ្លីដែលបានចំណូល ៧ ៥០០ដុល្លារដែលក្នុងមួយច្បាប់តម្លៃ៥ដុល្លារ។ សូមអរគុណលោក ពុង ខៀវសែ និងសមាគមដែលបានជួយចាត់ចែងលើការងារនេះហើយខ្ញុំនឹងប្រើថវិការនេះសម្រាប់សាងសង់ផ្ទះជូនអតីតយុទ្ធជន»។

អតីតយុទ្ធជនគឺជាអ្នកដែលសម្ដេចតេជោយកចិត្តទុកដាក់បំផុតមួយ។ សម្ដេចបានចាត់ទុកអតីតយុទ្ធជនគឺជាអ្នកដែលមានគុណបំណាច់ធំធេងចំពោះប្រជាជន ជាតិមាតុភូមិកម្ពុជា ដែលបានរួមចំណែកកសាងសុខសន្ដិភាពនិងស្ថិរភាពសង្គមដល់សព្វថ្ងៃ។

ក្នុងឱកាសទទួលមេដាយមាសសន្ដិភាពពិភពលោកកាលពីថ្ងៃទី១២ ខែកញ្ញា ឆ្នាំ២០២១ ជាមួយប្រាក់រង្វាន់១លានដុល្លារ ពេលនោះ សម្ដេចតេជោ ហ៊ុន សែន ក៏បានប្រកាសបរិច្ចាកប្រាក់រង្វាន់ដែលសម្ដេចទទួលបានទាំងអស់ទៅសាងសង់ផ្ទះឱ្យអតីតយុទ្ធជនផងដែរ។

បច្ចុប្បន្នមានអតីតយុទ្ធជនជាង ១០ម៉ឺននាក់ កំពុងទទួលរបបសន្ដិសុខសង្គមប្រចាំខែពីរដ្ឋ។ ចាប់តាំងពីខែមេសា ឆ្នាំ២០២០មក រាជរដ្ឋាភិបាលបានតំឡើងប្រាក់របបសន្តិសុខសង្គមប្រចាំខែជូនអតីតយុទ្ធជនដល់ចំនួន៦៤ម៉ឺនរៀលក្នុងមួយខែ បូករួមទាំងប្រាក់វិភាជន៍គ្រួសារប្រចាំខែ និងមានប្រាក់ឧបត្ថម្ភក្នុងឱកាសចូលឆ្នាំខ្មែរចំនួន៥ម៉ឺនរៀលផងដែរ៕ 


ព័ត៌មានជាច្រើនទៀតសម្រាប់អ្នក